ډېرى داسې انګيري چې ډيجيټل زدکړې، يانې پليکه يا انلاين زدکړې. خو پليکه زدکړې يو ډول د ډيجيټل زدکړو دى. پرته له انټرنټ ډيجيټل زدکړې يې بل ډول دى چې موږ
لېوال ډيجيټل ښوونځي کې جوړ ې کړې. موږ د اړوند ټولګي ټول درسي توکي او ښوونيزه منځپانګه (ويډيو، غږ، پډي ايپ او نور اسناد) ډيجيټل کړي او هغه مو په يو ځانګړي ترتيب کې "لېوال زدکړو مديريت سيسټم" کې اچولي، دغه سيتسم وروسته له نومليکنې اړوند د ښوونځي اداري کس ته دا وړتيا ورکوي چې تازه منځپانګه او ځانګړى پروګرام يا اپليکشن د زدکوونکي کمپيوټر يا ګرځند ته کاپي کړي.
دغه پروګرام پرته له انټرنټ پرلپسې لوستونه زدکوونکي ته راولي، که کوم زدکوونکي ستونزه ولري د اړوند لوست څخه له ټاکلو لارو لکه واټساپ، بريښناليک، مسنجر او نورو ښوونځي څخه مرسته غوښتلاى شي. کله چې زدکوونکى لوستونه بشپړ کړي، نو زدکوونکي خپل کمپيوټر يا ګرځند انټرنټ سره نښلوي، پروګرام د هغه د زدکړو تاريخچه مرکزي سيسټم ته لېږدوي چې د ارزونې لپاره ورڅخه کار اخيستل کېږي.
نور زدکونکى مخامخ يا حضوري ډول ازموينو لپاره په ټاکلې موده ښوونځي ته راځي او ازموينه ورکوي. که بريالى شو بل ټولګي ته ځي.
زموږ په اند دغه لار ټول محترم پوهنتونونه پرمخ وړلاى شي چې خپلو زدکړيالانو ته په کور زدکړې ورکړي او ازموينې ته يې راوغواړي. پوهنتونونه کولاى شي خپل سيسټم ورته برابر کړي او يا هم د خپلو زدکوونکو لپاره "لېوال زدکړو مديريت سيسټم" وکاروي.
