د پوهنې وزارت وايي، کلیو کې د ښوونځیو ودانۍ او ښوونکو نشتون يې بنسټيزه ستونزه ده. زموږ په اند ښوونځيو او ښوونکو نشتون حل ډيجيټل زدکړې دي.

د ښوونکو بيړنۍ روزنې برخه کې که د #لېوال_ښوونځي او #لېوال_پوهنتون ته ورته نوښتونه خپل کړل شي نو هېوادوال به کور په کور لوستي شي او هم به د کتاب چاپولو، ښوونځيو ودانولو او ښوونکو روزلو لپاره د بوديجې برابرولو اړتيا له منځه ولاړه شي.

هېواد کې د ښوونکو د کمښت ستونزې د حل لپاره لېوال ډيجيټل پوهنتون غواړي ارګجه روزنپوهنه يا Blended Pedagogy کې د ښوونکو لپاره کورس جوړ کړئ. ټول هېوادوال او د افغانستان خواخوږي چې د پوهنې برخه کې کار کوي همکاري ته رابولو.

لېوال پوهنتون پليکه د ښوونکو د نومليکنې سيسټم، د کمپيوټر او ځيرک ټليپون لپاره د زدکولو پليکه او بيلېکې پروګرامونه، پليکه ازموينې اخيستلو اسانتياوې لري. دغه اسانتياوې د هېواد هره برخه کې هرچاته دا وړتيا ورکوي چې هرچېرې وي د ښوونکو ارګجه روزنپوهنه يا Blended Pedagogy کورس کې ونډه واخلي.

موږ د زدکړې او روزنپوهنې برخې پوهانو همکارۍ ته اړتيا لرو، هيله د کورس منځپانګې برابرولو لپاره ددې ليکنې لاندې، زموږ همچار شئ تڼۍ ټه ټک ورکړئ يا هم خپلو تجربو او مرستو شريکولو لپاره اړيکه وکړئ.
#لېوال_پوهنتون
#BlendedPedagogy
#ارګجه_روزنپوهنه